Буюк Британиянинг Rolls-Royce автомобилсозлик компанияси янги ультралюкс синфидаги Rolls-Royce Dawn кабриолетини намойиш қилди. Автомобиль Франкфуртда бўлиб ўтаётган автосалонда илк бор намойиш қилинди. 

Дизайнерларни автомобилни яратишга 1952 йилдаги модель илҳомлантирди. Янги машинанинг номи “Тонг” деб таржима қилинади ва ишлаб чиқарувчилар машинани “ҳар бир янги кун ўзида сақловчи чорловчи имкониятлар” билан боғлашмоқда.
Кабриолет йиғилувчи юмшоқ матоли том билан жиҳозланган. Том соатига 50 км тезликда 22 сонияда йиғилади.

Rolls-Royce Dawn капоти остида 12 цилиндрли 6,6 литр ҳажмга эга икки турбонаддувли двигатель жойлашган. Двигатель 563 от кучига эриша олади. Салондаги ўриндиқлар алоҳида – айри кўринишида жойлашган.

Машина 16 та динамикли Bespoke аудиотизими билан жиҳозланган. Ички ўрнатилган микрофон эвазига овоз ва тоналликни созлаш мумкин. Машинанинг яна бир ўзига хос жиҳати шундаки, унда йўловчиларни таниш тизими мавжуд бўлиб, у тепловизор каби ишлайди.