Европа футбол ассоциациялари кенгаши (УЕФА) пайшанба, 17 сентябрь куни Косово футбол федерациясини ташкилот таркибига қўшиш масаласини кўриб чиқади. Бу ҳақда УЕФА Бош котиби Жанни Инфантино маълум қилди.

Ижроқўм йиғилиши 17-18 сентябрь кунлари Мальтада бўлиб ўтади. «Косово ФФ берган аризани кўриб чиқиш ҳам кун тартибидан ўрин олган», - дея хабар беради Инфантино.

Косово футбол федерацияси Фадил Вокррининг қайд этишича, унинг ташкилоти УЕФАга қўшилиш учун ажойиб имкониятга эга. «УЕФА Косово билан боғлиқ муаммони ҳал қилишда бош-қош бўлишга хоҳиш билдирди», - дейди у.

Косово УЕФАнинг тўлиқ аъзоси бўлиши эса анъанавий тарзда ўтказиладиган УЕФА конгрессида (2016 йилнинг март ойида Будапештда бўлиб ўтади) аниқ бўлади.