Эрон кейинги ўн йиллик охирига келиб Европа иттифоқига газ етказиб берувчи йирик давлатга айланиши мумкин. Бу ҳақда Эрон ядровий дастури материалларига иқтибос келтирган ҳолда The Wall Street Journal нашри ёзмоқда.

Еврокомиссия Эрон 2030 йилга келиб йилига 25-35 млрд куб метр газ етказиб бера олади, деб ҳисобламоқда, бу унинг Европага газ етказиб берувчи йирик давлатга айлантиради ҳамда Европанинг Россия ва Шимолий Америкадан газ етказиб беришга боғлиқлигини қисқартиради. Бу орада Россия йилига 130 млрд куб метр газ етказиб беради.

Ғарб  давлатлари ҳукуматлари ва компаниялари энергия захираларига бой бўлган Эронга инвестиция киритишни бир неча бор муҳокама қилганлар. Бу борада Европа Иттифоқининг энергетика ва иқлимнинг ўзгариши бўйича еврокомиссари Мигель Ариас Каньете етакчи энергетик компаниялар, жумладан RWE AG, E.On AG, BP PLC, Royal Dutch Shell PLC, Repsol SA, Total SA, Engie SA and Statoil ASA компаниялари билан учрашув ўтказди.

“Биз компанияларимиз Эрон бозорига АҚШ ёки Хитой компанияларидан тезроқ чиқишларини истаймиз”, деб айтмоқда еврокомиссар.

Нашрнинг таъкидлашича, Европа Эрон нефть-газ секторига инвестиция киритиш жараёнини тезлатиш учун Эрон вакиллари билан суҳбатни жадаллик билан оширмоқда.