Ашхободда “Туркманистон-Ўзбекистон-Қозоғистон-Хитой” газ қувури эксплуатацияси бўйича мувофиқлаштирувчи қўмитанинг 13-йиғилиши бўлиб ўтди. Бу ҳақда Туркманистон нефть-газ саноати ва минерал ресурслар вазирлиги матбуот хизмати хабар қилди.

Айтилишича, йиғилишда газ қувури трассасининг бугунги ҳолати ҳақида маълумот берилди. Ҳисобот Пекин мувофиқлаштирувчи маркази, “Туркмангаз” давлат корхонаси, шунингдек, CNPC International компанияси вакиллари томонидан берилди.

Йиғилишнинг иккинчи кунида 2015 йилининг тўртинчи чораги ҳамда 2016 йилда йўналиш орқали табиий газ етказиш графиги муҳокама қилинди.