"Арсенал" жамоаси бош мураббийи Арсен Венгер ЕЧЛнинг илк турида Хорватиянинг "Динамо" жамоасига қарши Загреб шаҳрида ўтказиладиган ўйин олдидан журналистлар билан гаплашди.

"Жек Уилшер ҳақида яхши янгилик айта олмайман. У 3 ойгача майдонга қайта олмайди. "Динамо"га қарши ўйинда Рэмзи ва Бельерин ҳам иштирок этолмайди. Улар Лондонда қолишган.

Уилшернинг жароҳати футболчилик фаолиятига таҳдид солмаслигига умид қиламан. У ҳали ёш ва унинг учун барчаси олдинда. Ишонаманки, у қайтади ва жамоамизни кучайтиради.

Биз Хорватияга охирги марта келганимизда жуда оғир ўйин ўтказгандик. Бугун ҳам кучсиз рақибга қарши майдонга тушамиз, деб ўйламайман", дейди Венгер.

Унинг аниқлик киритишича, "Динамо" 11 ойдан бери ички чемпиоантдагши биронта ўйинда мағлуб бўлмаган.

"Биламан, таркибимизда тажрибали футболчилар кўп. Мен ҳатто улардан қай бирини майдонга туширишга ҳам иккиланаман. Лекин бу ротация учун қулай", дейди "канонирлар" мураббийи.