Сурия президенти Башар Асад Эрон ҳақиқатдан ҳам Сурияга ҳарбий техникаларни етказиб бераётганини тасдиқлаб, ғарб оммавий ахборот воситалари “ҳарбий кўмак” тушунчасини нотўғри талқин этаётганини маълум қилди, дея хабар берди “Интерфакс” агентлиги.

Унинг сўзларига кўра, Теҳрон Сурия ҳудудига ҳарбий бўлинмаларни жойлаштираётгани йўқ.

“Ҳақиқатдан ҳам, Сурия ва Эрон ўртасида ҳарбий мутахассислар алмашинуви мавжуд. Бироқ бу алмашинув ҳар доим бўлган. Албатта, бу каби икки томонлама ҳамкорлик уруш шароитларида янада фаоллашади”, – деди Асад.

Унинг қайд этишича, Эрон ҳарбий кўмаги Суриянинг урушдаги турғунлигини мустаҳкамлайди.