BMW автоконцерни Кенгаши раиси Харальд Крюгер Франкфурте-на-Майндаги автосалонда янги русумдаги машина тақдимоти вақтида ҳушидан кетиб қолгач, шифокорлар назорати остида ўзига келди ва ҳозирда ўзини жуда яхши ҳис қилмоқда. Bild газетасининг ёзишича, тез орада у яна ишга қайтади.

«Шифокорларнинг айтишича, менда қисқа муддатли қон айланиш тизимининг бузилиши кузатилган. Ҳозирда ўзимни жуда яхши ҳис қилмоқдаман», - дея Крюгернинг сўзларидан иқтибос келтиради газета.

BMW раҳбари ҳозирда уйида шифокорлар назорати остида тикланиш жараёнини ўтамоқда.

Крюгер тақдимот жараёнида ҳушини йўқотганди. Унга дастлаб биринчи ёрдам кўрсатилган ва кейинчалик қўриқчилар ёрдамида шифохонага етказилганди.

Раҳбар билан белгиланган барча учрашувлар мазкур воқеа сабаб бекор қилинган. Харальд Крюгер 2015 йилдан бошлаб BMW ижрочи директори сифатида фаолият кўрсатмоқда. У бу ўринга 2006 йилдан буён ишлаб келаётган Норберт Райтхоферни алмаштирди.