Hyundai компанияси Лос-Анжелесдаги санъат музейида Vision G номли янги концептуал купе тақдимотини ўтказди. Ишлаб чиқарувчи “Бўлажак премиал моделлар оиласининг бошланмаси” деб атади.

Концепт-кар марканинг АҚШдаги дизайн студияси томонидан ишлаб чиқилди. Ишланмаларда Hyundai компаниясининг бошқа давлатларда ишловчи мутахассислари ҳам иштирок этди.
Vision G 5 л ли 8 цилиндрли Tau двигатели билан таъминланди. Агрегатнинг қуввати 420 от кучига тенг.

16 август куни янги модель АҚШнинг Пеббл Бичидаги назокат танловида иштирок этади.
Vision G серияли тарзда ишлаб чиқарилиши мумкин-мумкин эмаслиги ҳақида ҳеч қандай расмий маълумот берилмади.