"Барселона" бош мураббийи Луис Энрике Чемпионлар лигаси доирасида "Рома"га қарши кечадиган ўйин ҳақида фикрларини билдириб ўтди.

"Мен орадан бир неча йил ўтгач, яна Римга қайтдим ва энди менда кўпроқ тажриба бор. Бу шаҳардан яхши хотиралар қолган.

Чемпионлар лигасида қаторасига икки марта ғолиб чиқиш имконияти - улкан иштиёқ беради. Ҳозир ҳеч қандай босим ҳис қилмаяпман, аммо иштиёқ катта. Илгари бу ишни ҳеч ким уддалай олмаганини ёддан чиқармаймиз", - дейди Луис Энрике.

Маълумот учун, Энрике 2011-2012 йиллар мавсумида айнан "Рома" жамоасида бош мураббий сифатида ишлаганди.