Қозоғистон ва Россия глобал озиқ-овқат бозорининг етакчиларига айланиши мумкин. Бу ҳақда Қозоғистон президенти Нурсултон Назарбоев Сочида бўлиб ўтаётган XII Қозоғистон ва Россия минтақавий ҳамкорлиги форумидаги чиқишида айтиб ўтди.

“Хитой, Ҳиндистон, Марказий Осиё давлатларининг умумий озиқ-овқат товарлари импорти 170 млрд долларни ташкил қилади. Мана шу бизнинг захирамиздир. Шу боис озиқ-овқат кластери истиқболлари яққол кўзга ташланиб турибди. Бизнинг мамлакатларимиз глобал озиқ-овқат бозорининг етакчиларига айланиш салоҳиятига эга. Секин-аста биз шунга эришамиз. Россия, масалан, дон экспорти бўйича жаҳонда учинчи ўринга чиқиб олди”, - унинг сўзларини келтиради BNews.kz сайти.

Шунингдек, шўз чиқишида Қозоғистон етакчиси икки мамлакат ўз имкониятларидан тўла фойдаланмаётганини эътироф этди.