Ўзбекистон туроператорлари беларуслик ҳамкорларини Самарқанд ва Бухоро шаҳарларига таклиф қилишди. Бу ҳақда Sputnik агентлиги хабар қилди.

Ўз навбатида, ўзбекистонлик соҳа мутахассислари Беларусни Европанинг анъанавий дам олиш зоналарининг муқобили тарзида кўрмоқда.
“Мамлакатларимиз ўзаро туристик оқим алмашиш ва кўпайтириш борасида яхши имкониятларга эга.

Биз эски туристик йўналишларни қайта тиклашимиз мумкин”, - деди Беларусь спорт ва туризм вазирлиги миллий туризм агентлиги директори Григорий Померанцев.
Унинг айтишича, ўзаро манфаатли алоқаларнинг йўлга қўйилишига Ўзбекистон миллий авиакомпанияси ваколатхонасининг Минскда очилиши ҳам ҳисса бўлиб қўшилади.