Ўзбекистон ва Бельгия парламентлари вакиллари ўртасида учрашув ўтказилди

Ўзбекистон 16 Сентябрь 2015 844

Ўзбекистон Республикаси Олий Мажлиси Қонунчилик палатасида Бельгия Қироллиги парламенти Вакиллар палатаси раиси Зигфрид Браке бошчилигидаги делегация аъзолари билан учрашув бўлиб ўтди.

Музокара давомида меҳмонларга Ўзбекистоннинг икки палатали парламенти, чунончи, Қонунчилик палатаси фаолияти тўғрисида сўзлаб берилди. Президент Ислом Каримов томонидан ишлаб чиқилган ва босқичма-босқич амалга оширилаётган тараққиётнинг “ўзбек модели” барқарор ривожланишга хизмат қилаётгани алоҳида таъкидланди.

Мулоқот чоғида Ўзбекистон билан Бельгия ўртасидаги ҳамкорлик алоқалари кўплаб соҳалар қатори парламентаризм йўналишида ҳам изчил ривожланиб бораётгани, икки томонлама муносабатларнинг ҳуқуқий асосини мустаҳкамлашда парламентлараро ҳамкорлик муҳим аҳамият касб этиши қайд этилди.

Делегация аъзолари томонидан Ўзбекистонда амалга оширилаётган сиёсий, иқтисодий ва демократик ислоҳотлар ижобий баҳоланди. Шунингдек, улар мамлакатда олиб борилаётган сиёсатни, хусусан, тинчлик ва осойишталик, миллатлараро тотувлик таъминланаётгани, фуқароларнинг муносиб ҳаёт кечиришлари учун зарур шарт-шароит яратилганини алоҳида таъкидлашди.

Ўзбекистонда “Кучли давлатдан - кучли фуқаролик жамияти сари” тамойили асосида олиб борилаётган кенг кўламли саъй-ҳаракатлар, айниқса, фуқаролик жамиятининг муҳим бўғини бўлган фуқароларнинг ўзини ўзи бошқариш органлари тизимида амалга оширилаётган ишлар юқори баҳоланди.

Таъкидлаб ўтилганидек, Ўзбекистон Республикасининг бу борадаги тажрибаси Бельгия томони учун долзарб аҳамиятга эга.

Ўз навбатида, меҳмонлар Ўзбекистон Республикаси Қонунчилик палатаси билан мустаҳкам алоқалар самарали давом этиши ҳар икки томон учун фойдали эканлигини билдиришди.

Учрашувда икки мамлакат парламентлари ўртасидаги ҳамкорликка доир масалалар юзасидан атрофлича фикр алмашилди.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 97709 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 47148 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 52070 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9483 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20261 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 970 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 372 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 1504 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 2137 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 933 Жаҳон
Кўпроқ янгиликлар