2015 йилнинг 17-20 октябрь кунлари Ўзбекистонга Франциянинг сайёҳлик бўйича касаба уюшмаси Миллий ассоциацияси делегацияси ташриф буюриши режалаштирилмоқда. Бу ҳақда "Ўзбектуризм" МК ахборот хизмати хабар беради.

Ташрифнинг асосий мақсади Ўзбекистондаги сайёҳлик салоҳиятининг янги қирраларини очиш ва самарали ҳамкорлик битимларини тузишдан иборат. Маълумотларга кўра, ушбу ассоциация бугунги кунда жаҳоннинг турли мамлакатлари билан сайёҳлик бўйича ҳамкорликда фаолият юритиб келмоқда.

18 октябрь куни Самарқандда ассоциация билан ҳамкорликда ўтказилиши режалаштирилаётган йиғилишда Ўзбекистон ва Франциянинг соҳадаги ҳамкорлигини ривожлантириш, француз туристлари орасида юртимиз тур салоҳиятини янада кенгроқ жалб қилиш масалалари келишиб олинади.