2015 йилнинг биринчи ярми давомида Ўзбекистонда 111 янги нашриёт ва 1.5 мингдан ошиқ полиграфия компаниялари рўйхатга олинган. Бу ҳақда Ўзбекистон матбуот ва ахборот агентлиги хабар бермоқда.

Республика нашриётлари томонидан йилига 3 минг номдаги китоб маҳсулотлари босиб чиқарилади, уларнинг умумий адади 45 млн нусхани ташкил қилади. 50дан ортиқ нашриётлар болалар адабиёти билан шуғулланади.
Айтилишича, мамлакатда чоп этилаётган китобларнинг учдан бири болаларга бағишланади.
Болалар адабиётини оммалаштириш учун Ўзбекистонда мунтазам равишда китоб ярмаркалари ўтказилади.

Жумладан, 17-19 сентябрь кунлари Тошкентда ва барча вилоят марказларида “Болалар китоби” II Республика фестивали ўтказилади. Унда 200дан ортиқ янги китоб тақдимоти бўлиб ўтади.