Қозоғистон Миллий банки ички бозордаги вазиятни бақарорлаштириш мақсадида 16 сентябрда валюта интервенцияларини ўтказди, деб маълум қилди Миллий банк матбуот хизмати.

16 сентябрда Қозоғистон фонд биржасида эрталабки савдолар пайтида тенгенинг ўртача курси бир доллар учун 283,98 тенгени ташкил қилди. Бу ўтган савдолар пайтидагидан 2,5 фоиз камроқни ташкил қилди. Эрталабки савдолар пайтидаги охирги курс бир долларга 290 тенгегача кўтарилиб кетди. Кундуз куни бир долларга 284 тенге берилди, бироқ кун мобайнида доллар курси 300 тенгегача чиқиб кетди.

“Валюта бозори иштирокчиларининг олибсотарлик операциялари туфайли тенге курсининг сакраши ортиши сабабли Қозоғистон Миллий банки 2015 йил 16 сентябрдан ички валюта бозоридаги вазиятни бақарорлаштириш мақсадида валюта интервенцияларини ўтказишга қарор қилди”, дейилмоқда хабарда.

Матбуот баёнотига кўра, Қозоғистон Миллий банкининг 16 сентябрдаги валюта интервенциялари ҳажми 144 млн АҚШ долларини ташкил қилди.