Бугун "Барселона" клуби сафарда "Рома"га қарши ЕЧЛ доирасида учрашув ўтказади. "Барселона" ҳужумчиси Лионель Месси ушбу учрашувда майдонга тушса, ЕЧЛдаги ўйинлари сонини 100тага етказиб олади.

28 ёшли футболчи шу тариқа Чемпионлар лигаси тарихида 100та ўйин ўтказган энг ёш футболчига айланиши мумкин. Эслатиб ўтамиз, Месси илк марта 2004 йилда ЕЧЛ учрашувларида майдонга тушган бўлиб, шундан буён 11 мавсум ўтказган. Унинг ҳисобида 99та ўйиндан сўнг 77та гол ва 22та голли узатма бор.

Лионель Месси "Барселона" билан ушбу мусобақада 4 марта ғолиб чиққан.