ХХР раиси 25 сентябрь куни АҚШ президенти Барак Обама билан учрашиш учун расмий ташриф билан Вашингтон шаҳрига боради, дея хабар бермоқда Reuters агентлиги.

“Раис Сининг ташрифи — глобал, минтақавий ва бошқа ўзаро манфаатларга оид бир қатор масалаларда АҚШ ва Хитой ҳамкорлигини кенгайтириш имкониятидир”, – дея хабар қилди Оқ уй.

Шу билан бирга, Хитой ва Америка етакчилари икки мамлакат ўртасида қарама-қаршиликлар мавжуд бўлган соҳалар юзасидан ҳам конструктив муҳокамалар олиб боришади.

Қайд этилишича, 25 сентябрь куни кечқурун Хитой етакчиси ўз турмуш ўртоғи билан Обама жуфтли иштирокидаги расмий тушликка ташриф буюради.