Subway тез тамаддихоналар тармоғи асосчи Фред Де Люк 68 ёшида оламдан кўз юмди. Бу ҳақда Bloomberg ахборот агентлиги маълум қилди

Қайд этилишича, эркак узоқ давом этган оққон касаллигидан кейин вафот этди. Жорий йилнинг июнида Subway’га бошчилик қилишни унинг синглиси Сюзанна Греко ўз қўлига олган эди.

Фред Де Люк 1965 йилда Коннектикут штатида тармоқнинг биринчи ресторанини очган. Дастлаб бу тармоқ “Питнинг супер субмариналари” (ресторанда таклиф қилинадиган сэндвичлар сув ости кемаси ўхшагани сабабли) деб аталган эди ва ўзининг “БМТ” (баъзи тахминларга кўра, “BMT” – “Biggest, Meatiest, and Tastiest” – “Каттароқ, гўштлироқ ва мазалироқ” маъносини билдиради) сэндвичи эвазига машҳур бўлиб кетган.

2002 йилда Subway дунё бўйлаб очилган ресторанларининг сони бўйича McDonald's компаниясини ортда қолдирган.