Тожикистон миллий банки маҳаллий валюта – сомонийнинг халқаро белгисини яратиш бўйича танлов эълон қилди. Бу ҳақда банк матбуот хизмати хабар бермоқда.

Айтилишича, сомонийнинг халқаро рамзи лойиҳалари муайян талабларга мос бўлиши лозим. Хусусан, белги валютани ифодалаши, тожикларнинг қадимий тарихий меросини кўрсатиб бериши, миллий ўзига хосликка ва айни пайтда бирор янгиликка эга бўлиши лозим.

Айтилишича, танловда ғолиб бўлган муаллиф ўз иши учун қанча ҳақ олишни истаса, ўшанча миқдорда мукофот сўрашга ҳақли бўлади.
Лойиҳалар 30 сентябрга қадар қабул қилинади.