Шу йилнинг охиригача Тошкент автобусларида валидаторлар ўрнатилади. Бу ҳақда Sputnik агентлиги хабар бермоқда.

LG CNS Uzbekistan Ўзбекистон-Корея қўшма корхонаси яқин орада “Тошшаҳартрансхизмат” билан шартнома тузиб, жамоат транспортига электр тўлов тизими ускуналарини ўрнатишни режалаштирмоқда.
Автоматлашган тизим 2 асосий элементдан - smart-карталар ва валидаторлардан иборат бўлади. Йўловчи карталар валидаторга текизади, ускуна ундан керакли суммани ечиб олади.

LG CNS Uzbekistan бош директори ўринбосари Брендон Кимнинг таъкидлашича, бу борадаги ишлар шу йилиёқ бошланади.