Твиттер ижтимоий тармоғи америкалик фойдаланувчилари учун янги функцияни ишга туширди. Эндиликда америкалик сайловчилар твиттер орқали АҚШ президентлиги учун номзодларга хайрия маблағлари юборишлари мумкин.

Ушбу ижтимоий тармоқ шу мақсадда Square Inc фирмаси билан ҳамкорлик қилади.

"Бизнинг фикримизча, АҚШ президентлиги учун номзодларга пул йиғиш жараёнида шу пайтгача мажуд бўлган тартиблар эскирди. Биз буни соддалаштириш ва тартибга солиш ташаббуси билан чиқдик", дейди Twitter`нинг сиёсий реклама бўлими директори Женна Голден.

Қайд этилишича, 2016 йилги президентлик сайловларида қатнашувчи номзодлар ўз сайловолди кампаниялари учун жами 2 млрд доллар сарфлаши кутилмоқда.