Symphony компанияси Уолл-Стрит молиявий ташкилотларига мўлжалланган ижтимоий платформани ишга туширди. Бу ҳақда компания хабарномасидан маълум бўлди.

Платформа янгиликлар ҳамда таҳлилчиларнинг фикрларини бериб боради, у, шунингдек, электрон почта билан уйғунликда ишлайди. Ташқи жиҳатдан сервис Twitter’га ўхшаш бўлади: унда хештэглар бўлади. Хакерлардан платформани ҳимоя қилиш учун ишлаб чиқарувчилар шифрлаш технологиясидан фойдаланмоқда.

Янги маҳсулоти ёрдамида Symphony Bloomberg LP ва Thomson Reuters терминаллари билан рақобатга киришмоқчи. Бунда асосан кўрсатиладиган хизматларнинг арзонроқ бўлишига умид билдирилмоқда. Масалан, платформадан фойдаланиш учун ойига 15 доллар тўлаш керак бўлади, ваҳоланки Bloomberg терминалларининг бир ойлик нархи 1 850 доллар туради.