Хоразм вилоятининг Хонқа туманида ниқобли шахс томонидан босқин содир этилди. Бу ҳақда ИИВ матбуот хизмати хабар бермоқда.

Айтилишича, номаълум шахс Маъмура исмли ёлғиз аёлнинг уйига ярим тунда бостириб кириб, уни пичоқ билан қўрқитиб, минг АҚШ долларини ўғирлаб кетган.

Бу воқеа юзасидан Маъмура тегишли ташкилотларга мурожаат қилган. Олиб борилган суриштирув ишлари натижасида жиноятчи бир кун ичида қўлга олинди.