Россиянинг Yota Devices компанияси YotaPhone смартфонини Хитойнинг ZTE компанияси фабрикасида ишлаб чиқариш бўйича музокаралар олиб бормоқда, деб хабар бермоқда “Коммерсантъ” нашри.

Yota Devices бундай қадамни қабул қилишга Сингапурнинг Hi-P фабрикаси билан юзага келган муаммо сабабли мажбур бўлди.

“Бу фабрика бизнинг сифат стандартларимизга ва мижозларнинг етказиб беришлар аниқлиги ва тезлиги талабларига жавоб бермайди. Шунингдек, Hi-P билан бизнинг рақобатчиларимиз билан рақобатлаша оладиган телефонларнинг таннархи даражасига эришиб бўлмади”, деб айтмоқда Yota Devices бош директори Владислав Мартинов.

Ишлаб чиқаришнинг кўчирилиши 30 фоизга ошиб, деярли 40 минг рублга етган YotaPhone нархини арзонлаштиришга имкон беради. Бунда ZTE компанияси смартфоннинг янги моделининг прототипини ишлаб чиқишга ёрдам бериши ҳамда уни оммавий равишда ишлаб чиқариш ва етказиб бериш билан шуғулланиши керак бўлади. Компаниянинг янги модели 2016 йилнинг 1-чорагида тақдим қилиниши режалаштирилган, смартфонларнинг илк партияси 100 минг донани ташкил қилиши мумкин.