BMW компанияси McLaren билан ҳамкорликда суперкар ишлаб чиқаришни режалаштирмоқда. Спорт автомобиллар ишлаб чиқарувчи компания билан музокаралар январда бошланган эди. Бу ҳақда Car нашри ёзмоқда.

Агар келишув амалга ошса, айтилган машина 2019 йилда сотувга чиқарилади. Икки компания биттадан модель чиқаради. Уларни бирлаштирувчи нарса кейинги авлод McLaren 650S монотоки бўлади.

BMW суперкарларнинг куч қурилмалари устида иш олиб боради. У моделни 4 л ли бензинли V8 двигатели билан таъминлайди. Агрегатнинг қуввати 750 от кучини ташкил қилади.

Суперкар, шунингдек, электродвигателга эга бўлиши мумкин, бу ҳолда унинг кучига қисқа вақт яна 15 кВт ёки 20 от кучи қўшилади.