Chevrolet компанияси SS седанининг янгиланган версиясини тақдим этди. У илгариги версиядан агрессив ташқи кўриниши билан фарқланади.

Седан кузовининг олд қисмига ўзгартиришлар киритилиб, унга хромли қўшимчалар ва вертикал тоннелар қўшилди. Айтилишича, улар ҳаво оқимини оптималлаштириб, аэродинамикани яхшилайди.

Шунингдек, Chevrolet SS капотида вентиляцион тешиклар очилди. Унинг янги диодли чироқлари ва 19 дюймли алюминий дисклари ҳам бошқача қиёфа касб этди.
Машина 6. 2 л ли 8 цилиндрли моторга эга бўлиб, у 420 от кучига эга. Двигатель 6 диапазонли механик ёки автомат ўтказмалар қутиси билан уйғунликда ишлайди. Седан 4.7 секундда 96 км соат тезликка чиқади.

Машинанинг нархи ҳозирча маълум эмас.