Германиядаги қочқинларнинг умумий миқдори бир суткада икки баробарга ошиб кетди, деб хабар беради РИА Новости агентлиги федерал полициядаги манбага таянган ҳолда.

“Ўтган кун давомида федерал полиция бутун Германия бўйлаб 7 266 кишини қабул қилди. Улардан 7 049 нафари Австрия-Германия чегараси орқали ўтиб келди. Айни пайтда бу асосий йўналиш бўлиб, бизнинг бош кучларимиз ўша ерга ташланган", — деди полиция ходими.

Чоршанба куни полиция бир кун олдин чегарадан 3 400 қочқин ўтиб келганини маълум қилган эди. Улар асосан Сурия, Ироқ ва Афғонистон фуқароларидир.