Ироқда вабога чалиниш ҳолатлари кўпаймоқда. Бу ҳақда БМТ бош котибининг расмий вакили Стефан Дюжаррик баёнот берди.

Унинг сўзларига қараганда, қайд қилинган 12 ҳолатнинг 3таси Бағдод вилоятида, 9таси Нажаф вилоятида рўйхатга олинган. Бунда Дюжаррик Халқаро соғлиқ ташкилоти маълумотларига таянаётганини таъкидлади.
Барча хасталарнинг аҳволи барқарор бўлиб, улар даволанмоқда. Ўлим ҳолатлари қайд қилинмаган.

2007 йилда Ироқда тоза сув танқислиги оқибатида вабо тарқалган эди. Ўшанда 7 минг киши касалланиб, 10 киши ҳаётдан кўз юмган эди.