Макка шаҳри (Саудия Арабистони)даги “Ҳарам” масжиди ҳудудига қулаб тушаётган кранни кўрган болакайнинг онаси ҳаётини сақлаб қолгани тасвирланган видео интернет фойдаланувчилари ўртасида кенг тарқалди.
8-10 сонияли видеода боланинг ҳаракатлари алоҳида ажратилиб, секинлатиб намойиш этилган.
Эслатиб ўтамиз, жорий йилнинг 11 сентябрь куни соат 16.00 дан сўнг Макка шаҳрида кучли бўрон оқибатида “Ҳарам” масжидининг кенгайтириш ишлари кетаётган жанубий қисмида жойлашган кранлардан бири масжиднинг «Каъбатуллоҳ» атрофида “тавоф” амали бажариладиган майдонининг жанубий қисмига қулаб тушган эди. Саудия Арабистони Фуқаро мудофааси томонидан берилган расмий маълумотларга кўра, бахтсиз ҳодиса натижасида 107 нафар одам ҳалок бўлган, 238 нафари тан жароҳатлари олган.