Маккада 1000 дан зиёд осиёлик ҳаж зиёратчилари 17 сентябрь эрталабки пайт меҳмонхоналардан бирининг 8-қаватида кучли ёнғин чиққани туфайли эвакуация қилинди, деб хабар бермоқда Саудия Арабистони Фуқаролик мудофааси. 

Фуқаролик мудофаасининг маълумотларига кўра, осиёлик 1208 нафар зиёратчи Аз-Азизия туманидаги меҳмонхонадан эвакуация қилинди.

Икки нафар одам жабрланди. Уларга тиббий ёрдам кўрсатилди.

Расмий ҳукумат ёнғиннинг сабаблари ҳақида ва эвакуация қилинган зиёратчилар ҳақида ҳеч қандай маълумот бермаяпти.

Бу ҳол жорий йилда ҳаж мавсумида зиёратчиларга зиён етган иккинчи ҳолат бўлмоқда. 11 сентябрда қурилиш кранининг “Ал-Ҳаром” масжидига қулаши оқибатида 107 киши ҳалок бўлди.

Шу йилнинг июлида масжиднинг томида чиққан ёнғин туфайли 5 киши жабрланган.