Охирги 12 ой ичида Норвегия нефтдан кўра кўпроқ газ экспорт қилди, бу қироллик тарихида биринчи бор кузатилмоқда.

“Дагенс неэринслив” газетасининг ёзишича, 2014 йил августидан 2015 августигача Норвегия компанияларининг газдан олган даромади 28.5 млрд долларни ташкил қилган ҳолда, нефть экспортидан улар 26.6 млрд доллар ишлаб топган.

Nordea Markets халқаро консалтинг компанияси таҳлилий бўлими бошлиғи Тина Салтведтнинг таъкидлашича, бу барча учун кутилмаган ҳол бўлган ва нефть нархининг жаҳон миқёсида тушиши билан тушунтирилади.

“Бу узоқ муддатли тренднинг бошланиши, негаки газ етказиш ҳажмлари ўсмоқда, нефть экспорти эса барқарор бўлиб қолмоқда, - деди мутахассис. – Бундан ташқари, Европа бозорида нефтга нисбатан газ каттароқ салоҳиятга эга”.