Пранкер Лексус Владимир Путиннинг матбуот котиби Дмитрий Песковдан британиялик машҳур хонанда Элтон Жон билан унинг номидан гаплашгани учун узр сўради, деб хабар бермоқда РСН нашри.

“Бу суҳбат учун бошқа одамни топа олмадим ва шунинг учун Песков номидан телефон қилишга қарор қилдим, бу мен томондан албатта яхши иш бўлмади. Мен бу қилмишим учун ундан узр сўрамоқчиман”, деб айтди Лексус.

Унинг айтишича, у Элтон Жон билан инглиз тилида гаплашган.

Аввалроқ Вован лақаби билан таниқли бўлган пранкер Владимир Краснов Элтон Жонни алдаб, у билан Владимир Путин номидан гаплашганини тан олган эди. Красновнинг айтишича, у буни ҳамкасби, Лексус лақабли пранкер Алексей Столяров билан бирга амалга оширган.

15 сентябрда Элтон Жон ўзининг инстаграмида Владимир Путин билан гаплашганини маълум қилган. Қўшиқчи ўзининг бу хабарига Путиннинг суратини илова қилиб қўйган