Одесса ҳокими, Грузиянинг собиқ президенти Михеил Саакашвилининг Украина мадҳиясини сиполик билан тинглаб туриши қайд қилинган видеолавҳа интернетда кенг муҳокамаларга сабаб бўлди.

Видеолавҳа “112” телеканали томонидан тармоққа жойлаштирилди.
“Пётр Порошенко блоки” партиясининг Киевдаги съезди чоғида Саакашвили журналистларга интервью бераётган эди. Интервью чоғида орқа фонда Украина мадҳияси жаранглай бошлади. Одесса ҳокими сўзида адаша бошлади, бир неча марта кулиб қўйди, сўнг сукутга чўмиб, бўшлиққа нигоҳ тикканча мадҳиянинг якунини кута бошлади.

Видеолавҳа турлича баҳоланди. Айримлар ҳокимнинг ғалати хатти-ҳаракатларидан кулган бўлса, бошқалар бунда Украина давлат рамзларига бўлган ҳурматни кўрди.