Саудия Арабистони Маккадаги бахтсиз воқеа оқибатида ҳалок бўлган зиёратчиларнинг оилаларига 350 минг доллардан моддий ёрдам кўрсатади. Бу ҳақда маҳаллий матбуотда хабар қилинди.

Шунингдек, айтилишича, улар ҳар икки йилда Ҳаж зиёратини Саудия бюджети ҳисобидан амалга ошириш имкониятига эга бўлади.

Шунингдек, бу ҳодиса оқибатида ҳалок бўлган 111 кишининг оиласига 1 млн риёлдан моддий ёрдам кўрсатилиши маълум қилинмоқда. Жароҳат олганларга 500 минг риёлдан тўланади.

Қирол Абдулазиз Салмон бин ас-Сауд бу борадаги фармонни кеча эълон қилди. Ҳужжатда айтилишича, жабр кўрганларга тўловлар тегишли органлар томонидан етказиб берилади.