Ucell: Ўзбекистондаги фаолиятимизни давом эттирамиз

Ўзбекистон 17 Сентябрь 2015 7382

Ўзбекистоннинг Ucell мобил оператори TeliaSonera Швеция-Финляндия телекоммуникацион гуруҳининг “Евросиё” зонасини тарк этиши борасидаги ахбороти муносабати билан ўз баёнотини тарқатди. Таҳририятга келиб тушган баёнотда таъкидланишича, компания Ўзбекистон бозоридаги фаолиятини эски тартибда давом эттираверади.

Эслатиб ўтамиз, бугун TeliaSonera компанияси президенти Йохан Деннелинд гуруҳнинг“Евросиё” минтақасидаги, шу жумладан, Ўзбекистондаги фаолияти секин-аста тўхтатилиши ҳақида ахборот берди.

Компаниянинг манфаат доирасидаги “Евросиё” минтақасига, Ўзбекистодан ташқари, Қозоғистон, Тожикистон, Озарбайжон, Молдова, Грузия ва Непал киради.

«Биз бу жараённи бир бозордан иккинчи бозорга ўтказиб борамиз, чунки ҳар бир мамлакатда ва ҳар бир компанияда ўзига хос вазият, аммо бизнинг вазифамиз охир-оқибат бутун минтақани тарк этишдир”, — деди компания раҳбари.

Kun.uz компания вакили билан боғланганида, у TeliaSonera’нинг Ўзбекистон бозоридан чиқиб кетиши ҳақида ҳеч қандай аниқ маълумотлар йўқлигини, бу жараён қачон ва қандай тартибда амалга оширилиши ноаниқлигини, бундан масалалар энди ишлаб чиқилишини айтди.

“Ucell компанияси ўз мижозлари ва ҳамкорларини ишонтириб айтадики, компаниянинг бизнес ҳаёти бугунги кунда мутлақо ўзгармайди. Ucell мижозлари барча йўналишлар бўйича худди ҳозиргидек узлуксиз сервисга эга бўлади”, - дейилади компания баёнотида.

Жорий йилнинг июнь ойида TeliaSonera’га акцияларининг асосий қисми тегишли бўлган Ucell компанияси 7 йиллигини нишонлади. Айни пайтда унинг абонентлари миқдори 8.5 млн кишини ташкил қилади. Мамлакат бўйлаб компаниянинг 22 офиси жойлашган, дилерлик тармоқлари 2 300дан ортиқ савдо пунктларини ўз ичига олади.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 22705 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 49233 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 62976 Жамият
CNN: Трампнинг маслаҳатчиси Путин билан учрашув уюштиришга ҳаракат қилган
09:58 62 Жаҳон
ЕЧЛ. Қуръадан олдин барча иштирокчилар номи ва саватчалар таркиби
09:57 155 Спорт
АҚШ янги ядровий қанотли ракета яратишга буюртма берди
09:40 465 Жаҳон
ОАВ: Россия ва Миср ўртасидаги авиаалоқа 2017 йилда тикланмайди
09:37 257 Жаҳон
Ўзбекистонда якка тартибдаги тадбиркорларнинг банкротлик жараёни жорий этилади
Мексиканинг биринчи электромобили ноябрь ойида пайдо бўлади
Вайронкор “Хато” тўфони Жанубий Хитойда 12 кишининг умрига зомин бўлди
09:25 530 Жаҳон
Кўпроқ янгиликлар