Ўтган ҳафтада қизи билан Сербиядан Венгрияга ноқонуний равишда ўтиш чоғида полициячилар таъқибидан қочаётган муҳожир, маҳаллий журналистлардан бири томонидан чалиб йиқитилиши ҳодисаси катта шов-шувларни келтириб чиқарганди.

ВВС нашрида маълум қилинишича, ўша воқеа жабрланувчиси, суриялик собиқ футбол мураббийи ишга қабул қилиш бўйича таклиф олган.

Аниқлик киритилишича, Усама Абудул Муҳсин исмли бу муҳожир ва унинг оиласига Мадриддан бошпана ҳамда CENAFE футбол мактабидан иш таклиф қилинган.

Айни вақтда Муҳсин Мадридга келган.

Эслатиб ўтамиз, ушбу ҳодиса иштирокчиларидан бири, қизини кўтариб чопаётган муҳожирни чалиб йиқитган Петра Ласко бу қилмиши учун узр сўраган.

Лекин у ўзи ишлайдиган N1TV телеканалидаги ишидан айрилган.