Spice Girls гуруҳининг собиқ аъзоси, модельер, машҳур футболчи Дэвид Бекхэмнинг турмуш ўртоғи Виктория унинг мода бизнесини яқиндагина тўрт ёшни қарши олган қизи Харпер давом эттиришини истайди. Бу ҳақда Vogue хабар қилди.

“Харпер менинг косметик воситаларимни синаб кўришни ва оёқ кийимларимни ўйнашни яхши кўради. Бироқ бир куни у менга: “Ойи, мен футбол ўйнашни хоҳлайман”, – деб қолди. Юрагимга пичоқ санчилгандек бўлди. Менинг уч ўғлим футбол ўйнаяпти, ҳеч бўлмаса битта фарзандим мода билан шуғулланиши истайман”, – деган модельер.

Нью-Йоркда бўлиб ўтган мода ҳафталигидан Бекхэм ўзининг 2016 йил баҳор мавсумига бағишланган янги коллекциясини намойиш этган эди. Ўз турмуш ўртоғи билан аёллар ва эркаклар либосларидан иборат dVb жамланмаси ва қуёш кўзойнакларини ҳам тақдим қилган.

Шунингдек, Бекхэмлар фарзандлари ҳам мода саноатида иштирок этиб туради. Масалан, 13 ёшли Ромео Бекхэм Burberry компанияси реклама ролиги қатнашган бўлса, каттаси — Бруклин Бекхэм сурати Miss Vogue журнали муқовасида чоп этилди.