2015 йил охирига қадар “Ўзбекнефтегаз” локализация бўйича 30та лойиҳани амалга оширади. Бу ҳақда компания ягона техник сиёсати бўлими бош мутахассиси Санжар Бердиев матбуот анжумани чоғида айтиб ўтди.

Унинг таъкидлашича, бу лойиҳалар ҳисобидан 87.7 млрд сўмлик тайёр маҳсулотлар, бутловчи қисмлар ва материаллар ишлаб чиқарилади.

Ярим йил давомида ушбу йўналишда аллақачон 20 лойиҳа ўз ижросини топган, локализация қилинган маҳсулотнинг умумий ҳажми 28.7 млрд сўмни, сотилан маҳсулот ҳажми эса 28.1 млрд сўмни ташкил қилган.