Божхона тўловлари ставкаларининг кўтарилиши Ўзбекистонда ишлаб чиқарилмайдиган товарларга алоқадор эмас. Бу ҳақда Ташқи иқтисодий алоқалар, инвестициялар ва савдо вазирлиги матбуот хизмати маълумот бериб ўтди.

Эслатиб ўтамиз, Ўзбекистонда 2015 йилнинг 1 сентябрида божхона тўловлари ва акциз солиқлари ставкалари оширилди. Шунингдек, алоҳида импорт товарларига нисбатан божхона тўловлари уйғунлашган ставкаларини қўллашни кенгайтириш белгиланди.

Таъкидланишича, бундай чоралар Ўзбекистонда ишлаб чиқарилмайдиган ёки етарли миқдорда ишлаб чиқарилмайдиган маҳсулотларни четлаб ўтади. Булар сирасига айрим биринчи зарурат моллари ва ижтимоий аҳамиятга молик озиқ-овқат маҳсулотлари киради.