Бугун Тошкент шаҳрида Дэвис Кубоги доирасида Ўзбекистон терма жамоаси Жаҳон босқичига саралаш баҳсларида АҚШ термасига қарши баҳсларни бошлади.

Дастлабки учрашувда Ўзбекистоннинг биринчи ракеткаси Денис Истомин америкалик Стив Жонсонга қарши кортга чиқди.

Уч соат-у 37 дақиқа давом этган ушбу беллашувда 6:1, 3:6, 7:6, 6:7, 7:5 ҳисобларида ҳамюртимиз ғалабага эришди. Шу тариқа ҳозирча ҳисоб 1:0, Ўзбекистон терма жамоаси олдинда.

Эслатиб ўтамиз, Дэвис Кубогида энг кўп зафар кучган жамоа саналувчи АҚШ термаси ўз тарихида илк бор плей-оффда иштирок этмоқда.