Бугун норасмий жаҳон чемпионати саналмиш Дэвис Кубогининг жаҳон лигасига чиқиш учун плей-офф босқичидан ўрин олган Ўзбекистон – АҚШ терма жамоалари учрашуви бошланди.

Илк учрашувда мамлакатимизнинг биринчи рақамли теннисчиси Денис Истомин Стив Жонсонга қарши кортга чиқди ва 3:2 ҳисобида рақибини мағлубиятга учратиб терма жамоани олдинга олиб чиққанди.

Шундан сўнг, Ўзбекистоннинг иккинчи рақамли теннисчиси Фаррух Дўстов Жек Сокга қарши кортга чиқди. Афсуски, ҳамюртимиз иккинчи ўйинда америкалик рақибига имкониятни бой бериб қўйди. Якуний ҳисоб 5:7, 3:6, 2:6.

Шу тариқа, Ўзбекистон ҳамда АҚШ терма жамоалари ўртасидаги ўйинда ҳозирча 1:1 ҳисоби қайд этилмоқда.

Olamsport.com нашрининг хабар беришича, эртага соат 12:00да жуфтликлар ўртасида Фаррух Дўстов / Денис Истомин – Стив Жонсон / Сэм Куэрри баҳслари бўлиб ўтади.

18 сентябрь

Денис Истомин – Стив Жонсон 6:1, 3:6, 7:6, 6:7, 7:5
Фаррух Дўстов – Жек Сок 5:7, 3:6, 2:6

19 сенятбрь

Фаррух Дўстов / Денис Истомин – Стив Жонсон / Сэм Куэрри

20 сентябрь

Денис Истомин – Жек Сок
Фаррух Дўстов – Стив Жонсон

Эслатиб ўтамиз, яккалик учрашувлари соат 10.00да, жуфтлик баҳслари 12.00да бошланади.