Intel корпорацияси ва Lenovo компанияси ЮНЕСКОнинг Ўзбекистондаги ваколатхонасига Қорақалпоғистоннинг 5та мактабида маҳорат синфларини ташкил этиши учун Intel технологиялари асосида ишлаб чиқилган 30та ноутбук ва 2си 1да трансформерларини тақдим этди. Топшириш маросими 17 сентябрь куни Тошкент шаҳрида таълим соҳасидаги замонавий тенденцияларга бағишланган матбуот анжумани доирасида ташкил этилди.

“Бугун ахборот-коммуникация технологиялари ҳаётимизнинг ажралмас қисмига айланди. Таълим соҳасига АКТнинг жорий этилиши эса болаларнинг ижодий салоҳиятини ошириш, ахборот “истеъмолчилари” эмас, балки уларнинг “тайёрловчилари”ни тарбиялашда муҳим одим бўлиб хизмат қилади”, – деди Intel’нинг Марказий Осиё ва Кавказорти мамлакатларидаги минтақавий директори Дмитрий Кисель матбуот анжуманида сўзга чиқар экан.

Intel 2010 йилдан буён ЮНЕСКОнинг Ўзбекистондаги ваколатхонаси билан фаол ҳамкорлик қилиб келмоқда. Жумладан, 2012 йилда корпорация халқаро болаларни ҳимоя қилиш ташкилотига Ўзбекистондаги учта мактабда “Бир ўқувчига бир компьютер” ўқитиш методини жорий этиш учун 60 дона мобил қурилма совға қилган эди.

Шунингдек, Ўзбекистон Республикаси Халқ таълими вазирлиги ҳамда ЮНЕСКО билан ҳамкорликда Intel Teach “Get Started” дастури бўйича мамлакатимиздаги 70 минг нафардан зиёд ўқитувчилар махсус ўқув курсларига жалб қилинган.