Бугунги кунда самарқандлик, бухоролик ва урганчлик ҳайдовчилар ва йўловчилар Жиззах вилоятинин автомобиль йўлларидан ўта туриб, ўзларини қулай ҳис қилмоқдалар. 2015 йилнинг ўзида халқаро ва давлат аҳамиятидаги 47 километрлик йўлни реконструкция қилиш ишларини тугатиш ва 12 километр автомобиль йўлини тўлиқ таъмирдан чиқариш режалаштирилмоқда.

Халқаро аҳамиятдаги М39 “Олма-ота-Бишкек-Тошкент-Термиз” трассасининг 982-1017 ва 1025-1037 километрларида, умумий ҳисобда 47 км лик йўлда реконструкция амалга ошириш режалаштирилган. Бу йўллар вилоятнинг Жиззах ва Ғаллаорол туманлари орқали ўтади. “Ўзавтойўл” ДАК матбуот хизматида маълум қилинишича, реконструкция ишлари йил охиригача якунланади.

“Ўзавтойўл”нинг вилоят бўлими раҳбари Р.Халиковнинг маълумотига кўра, йил охиригача М39 трассанинг 950-962 километрлардаги 12 км лик қисми тўлиқ таъмирланади.