Қозоғистоннинг Халқаро савдо ташкилоти билан охирги келишувлари Евросиё иқтисодий иттифоқига жиддий муаммо туғдирмоқда, деб ҳисоблайди Беларусь президенти Александр Лукашенко.

“Қозоғистоннинг Халқаро савдо ташкилоти билан охирги келишувлари, улар келишган божхона тўловлари бизнинг ягона иқтисодий иттифоқимизнинг ишлашига реал муаммо туғдирмоқда. Биз Қозоғистон ушбу ташкилот билан қилган ишларига мослашишга мажбурмиз, лекин бу осон бўлмайди”, - деди у Россия ва Беларусь минтақаларининг иккинчи форумидаги чиқишида.

“Улар божхона тўловларини туширишди, энди уларнинг маҳсулотлари Россия ва Беларусь бозорларига оқиб кириши мумкин, - сўзида давом этди Лукашенко. – Деярли барча корхоналар ХСТ ва Қозоғистон сиёсати зарбасига учрамоқда”.