Нидерландия ҳукумати муҳожирларга Европа ҳудудида ноқонуний равишда ҳаракатланишда ёрдам кўрсатган 2 кишини ҳибсга олди.

Терговчилар айни вақтда асли келиб чиқиши суриялик бўлган, ҳозирда Эйндховенда яшовчи 35 ёшли киши ва унинг 26 ёшли жиянига нисбатан юзлаб муҳожирларни мамлакат ҳудудига Австрия, Венгрия, Греция ва Италия ҳудудларидан ноқонуний равишда олиб келиш билан шуғуллагани бўйича далиллар йиғмоқда.

Прокуратура маълумотларига кўра, ҳибсга олинган ушбу шахслар Яқин Шарқ ҳудудидан муҳожирларни ноқонуний равишда Нидерландия ҳудудига олиб келишни йўлга қўйган йирик жиноий гуруҳ аъзолари ҳисобланишади.

Маълумотларга кўра, Туркиядан денгиз орқали Италия ёки Грецияга ўтиш учун муҳожирлар бундай ташувчиларга бир киши ҳисобига 7-8 минг евродан тўлашади.

Италия ёки Грециядан Ғарбий Европанинг ичкарисига ҳаракатланишни истаган муҳожирлар яна 1,5 минг евро сарфлашларига тўғри келади.