Тожикистон ҳукумати исёнчи генерал, Ромит дарасидаги операция чоғида ўлдирилгани айтилаётган Абдуҳалим Назарзоданинг танасини унинг қариндошларига топширади. Бу ҳақда маҳаллий радиостанция ахборотига таянган ҳолда Интерфакс агентлиги хабар бермоқда.

Генералнинг қариндошларидан бири айтганидек, улар биргалашиб ҳокимият вакилларига мурожаат қилган ва таналар 18 сентябрь куни топширилишини аниқлашган.
Айтилишича, Душанбеда махсус операция чоғида ўлдирилган исёнчиларнинг суд тиббий экспертизаси якунланган. Фақат битта марҳумнинг шахсини аниқлашнинг имкони бўлмаган. У чет эл фуқароси эканлиги тахмин қилинмоқда.