2015 йил 18 сентябрда Корея Халқаро ҳамкорлик агентлиги (KOICA) Ўзбекистон давлат жаҳон тиллари университети (ЎДЖТУ) билан ҳамкорликда профессионал таржимонларни тайёрлаш бўйича аудиторияни очиш маросимини ўтказишди.

Маросимда Корея Республикасининг Ўзбекистондаги элчиси Ли Ук Хен, KOICA’нинг Ўзбекистондаги идораси директори Им Жонг Хи, ЎДЖТУ ректори Шухрат Қаюмов ва бошқа юқори лавозимли шахслар иштирок этдилар.

Таржимонлар учун мўлжалланган илғор техника билан жиҳозланган модернизациялашган аудитория таржимонларни юқори сифатда тайёрлаш учун хизмат қилади. Бундан ташқари, Кореяга тренинг курсларга таклиф қилиш ва кореялик мутахассисларни Ўзбекистонга жўнатиш орқали таржимонларни тайёрлаш соҳасида ўзбекистонлик мутахассисларнинг салоҳиятини мустаҳкамлашга эришиш кўзда тутилмоқда.
Корея Республикаси элчиси маросимдаги табрик нутқида “Глобаллашув вақтидаги рақобатбардошлик хорижий тилларни билишга боғлиқ ва ушбу аудиториянинг очилиши муносабати билан ёш ходимлар янада яхшироқ шароитларда таълим олишларини тилаб қоламан”, деб айтди.