Террорчи гуруҳлар ўз сафларига одамларни жалб қилиш учун борган сари кўпроқ интернет имкониятларидан фойдаланиб келмоқда. Бу ҳақда Россия федерал хавфсизлик хизмати бошлиғининг биринчи ўринбосари, армия генерали Сергей Смирнов баёнот берди.

“Биз тўқнаш келаётган таҳдид шундаки, кибермуҳит ёшлар орасида машҳур, бундан турли жиноий гуруҳлар фойдаланиб келмоқда, улар эса нафақат Сурия ва Яқин Шарқда, балки Россияда, Хитой ҳамда ШҲТнинг бошқа мамлакатларида жойлашган”, - деди у Тошкентда бўлиб ўтган конференциядаги чиқишида.

Эслатиб ўтамиз, бугун Тошкентда Шанхай ҳамкорлик ташкилотининг минтақавий аксилтеррор структураси 27-йиғилиши бўлиб ўтди. Йиғилишда Қозоғистон, Хитой, Қирғизистон, Россия, Ўзбекистон, Тожикистон ва структура ижроия қўмитаси вакиллари ташкилотга аъзо давлатлар чегара хизматлари вакиллари иштирок этди.
Тадбир давомида тегишли органлари экспертлари 2016 йилги иш режаларини муҳокама қилиб олишди.

“Умуман олганда, бутун дунё террорчилик хавфидан ташвишда. Улар дастлаб ёллайди, сўнг таълим беради, сўнг ҳарбий тўқнашувларга жалб қилади, сўнг жангариларни ўз юртларига қайтаради”, - хулоса қилди Смирнов.