2015 йилнинг 16 сентябрида Ҳиндистоннинг Ўзбекистондаги элчихонасида Шанхай ҳамкорлик ташкилотининг минтақавий аксилтеррор структураси ижроия қўмитаси директорининг ўринбосари В. Буров Ҳиндистон элчиси Капил Шарма билан учрашув ўтказди. Суҳбатда ижроия қўмитаси референти Ф. Кабутов ҳам иштирок этди.

Суҳбат давомида томонлар минтақавий хавфсизликнинг энг муҳим ва долзарб масалалари юзасидан фикр алмашишди. Хусусан, минтақа барқарорлигига Толибон ҳаракати ҳамда ИШИД таҳдид солаётганини таъкидлаб ўтишди.
В. Буров дипломатни октябрь ойида Тошкентда террорчилик ва экстремизмга қарши кураш бўйича учинчи халқаро конференция ўтказилиши, унда ШҲТга аъзо ҳамда кузатувчи давлатлар тегишли органлари вакиллари иштирок этишидан бохабар қилди.

Шу муносабат билан у Ҳиндистоннинг тегишли органлари делегациясини конференция ишида иштирок этишга чақирди. Ушбу таклиф Ҳиндистон вакили томонидан мамнуният билан қабул қилинди.
Шунингдек, икки томонлама ҳамкорлик бўйича тайёрланаётган келишув лойиҳаси кўриб чиқилди.