18 сентябрь куни Ахборот-коммуникация технологиялари саммитининг ялпи мажлиси ўтказилиши АКТ ҳафталигининг хотимаси бўлди.

АКТ саммити ўтказилишининг мақсади ўтаётган йилнинг ахборот технологиялари ва коммуникациялар соҳасининг ривожланишидаги натижаларга хулоса ясаш, соҳа олдида турган стратегик вазифларни муҳокама қилиш, АКТ Форуми қатнашчилари томонидан киритилган резолюцияни муҳокама қилиш ва уни қабул қилишдан иборат эди.

Тадбир доирасида “Электрон ҳукумат” тизимининг келгуси ривожланиши бўйича масалалар, ахборот хавфсизлиги, дастурий маҳсулотлар бозорини ривожлантириш, ахборот ресурслари ва бошқалар кўриб чиқилди. Соҳадаги ижобий тажрибагина эмас, балки мавжуд муаммолар ва уларни ечиш йўллари таҳлил этилди.

Тадбирда 50та халқаро эксперт ва 300та иштирокчи, ICTSUMMIT 2015 нинг асосий маърузачилари орасида АКТ соҳасида 20 нафар мутахассис қатнашди.

Саммит қатнашчиларининг йиғилиши доирасида ўз маърузалари билан Ўзбекистон Республикаси Олий Мажлисининг Қонунчилик палатаси Ахборот ва коммуникация технологиялари масалалари бўйича Қўмита раиси - Илҳом Абдуллаев; Huawei Technologies компанияси тармоқларини ривожлантириш ва бизнес бўйича Консалтинг президенти - Пол Майкл Сканлан, Шарқий Европа ва МДҲ бўйича тақсимланган номлар маълумотлар ва манзилларни берадиган Интернет-корпорацияси (ICANN) вице-президенти - Михаил Якушев, БМТ Иқтисодий ва ижтимоий масалалари департаментининг электрон ҳукумат бўйича минтақалараро катта маслаҳатчиси - Ричард Керби ва бошқалар иштирок этди.

ICTSUMMIT 2015 ахборот-коммуникация технологиялари бўйича саммит нафақат профессионал хулосалар чиқариш, нуфузли спикерларнинг бир қатор маърузаларини тинглаш, ICTFORUM 2015 маърузачилари ва қатнашчилари томонидан киритилган резолюцияни қабул қилиш имкониятини ҳам яратди.

ICTWEEK Uzbekistan 2015 Ўзбекистон Республикасининг Ахборот технологиялари ва коммуникацияларини ривожлантириш вазирлиги ҳомийлигида ўтказилмоқда. Ташкилотчилар - Ўзбекистоннинг Ахборот технологиялари корхона ва ташкилотлар ассоциацияси ва ICTNEWS нашри.

Тадбирнинг бош ҳомийси Huawei Technologies Co. Ltd, ICTWEEK Uzbekistan 2015нинг стратегик ҳомийси «Ўзбектелеком» АК, мобил ҳомийси — UZMOBILE. Шу билан бирга, АКТ Ҳафталиги ҳомийлари қаторида - LG CNS Uzbekistan ва SAP компанияси.

Тадбир ҳамкорлари: Бирлашган Миллатлар Ташкилотининг Тараққиёт Дастури (UNDP), “Электрон ҳукумат” тизимининг тараққиёт Маркази, UZINFOCOM компьютер ва ахборот технологияларини ривожлантириш ва жорий этиш маркази, Ахборот хавфсизлигини таъминлаш маркази, Тошкент Ахорот технологиялари университети, Тошкент шаҳридаги Инха Университети, BePro дастурчилар маркази, InfoCOM.UZ журнали, Softline, Brand.uz, SmartLab, StartupFactory.uz, MyTaxi, UNIQUE PRESENT MediaHolding, MaslovPR Tashkent.